" सोबतीचा अर्थ .....

काळजातुन काळजाचे गात असतो ;
आपला स्वर त्याचिया गाण्यात असतो.. 

मी तुझ्याशी बोलतांना , ऐकतांना ;
फक्त आणी फक्त आनंदात असतो...

सर्व असुनी तूच नसते सोबतीला -
त्या क्षणी मी एकटा दु:खात असतो.. 

सोबतीचा अर्थ माझा ऐक मित्रा ;
तीच माझ्या मी तिच्या हृदयात असतो ..

प्रेम करणाराच येथे सर्वकाळी ;
या जगाच्या रोजच्या वादात असतो..

रिक्त होणे हीच ओळख या नभाची ;
मेघ देण्याच्या किती नादात असतो..

का बरे शोधायचे त्या ईश्वराला ?
तो तुझ्या रूपातही साक्षात असतो ..

बावरी राधाच ती, मीरा दिवानी ;
प्रेमाळांच्या सावळा पक्षात असतो..